euskara
Athletic gorrita nuria
Arreta lortu du Bilboko Ulibarri euskaltegiaren matrikulazio kanpainak duda barik. "Sin euskera te pierdes muchas cosas" leloari tira kantu ezagunen bertsio "originalak" aurkeztu dizkigute bideoan eta karteletan.
Hemen dituzue kanpainako materialak
Lagunekin hitzordua
Estoy contenta, porque llega un momento que ya no quedas para hablar euskera, quedas con los amigos
Santurtziko berbalagun batzuekin batu eta erreportajea egin dute El Correokoek: Hablando se entiende la gente... en euskera
Euskara ondorioztatzen, domina Brasilera
Urte olinpikoan, kirol eta parakilrol ez ezik, fisika olinpiadak ere badira. Estonian egin dira hain zuzen ere 2012 honetakoak.
Probetako bat hizkuntza ezezagun batean (euskara hain zuzen ere) ondo eta gaizki fomulatutakoak antzematea da, logika jokoak azken baten, eta horretan Sao Pauloko Ivan Tadeu Ferreira Antunes Filho izan da nagusi. Bejondeiola bada.
Hizkuntza bat logikak gobernatzen duen egitura ere bada azken finean, irakaskuntzan hori gutxietsi nahiz handiesteko joerak egon badira ere.
Euskara Reading #1
Sarean topatzen diren bitxikeria horietako bat. Poliglota finlandiarra euskararen irakurketaren erakusteka egiten.
Ariketaren prezioa
Gogoan daukat lehenengo ariketak egin eta sarean jarritakoan ikasle batek esan zuena: “Eta orain zeinek ordainduko digu?”. Eta nik esan nien: “Ez, ez, ez, zuen heziketaren parte bat gizarteak ordaintzen du. Zorretan zaudete eta bueltatu egin behar duzue”.
Maite Goñi aka Euskaljakintza-ri elkarrizketa egin dio Onintza Iruretak Argian: "Gazteek albokoarekin nola hitz egiten dute? Bada, Tuentin berdin" (Argia).
Bere euskara klaseen planteamendua azaldu du Maitek besteak beste, eta ariketen tarifak ere bai ;)
Batua naturaltasunez nork?
Ez zait buruan sartzen berrogei urte euskara batuari eskaini dizkionak bere burua tresna bikain hori naturaltasunez erabiltzeko gai ez ikustea. Are gehiago donostiarra izanik, batua hango euskaratik askoz hurbilago baitago Barkoxe edo Urdulizkotik baino. Zer mezu zabaldu du, batua naturaltasunez erabiltzea oso zaila dela? Esatari profesionalok besterik ez genukeela horretaz arduratu behar?
Kezkatuta Euzkitze Ibon Sarasolaren adierazpen batzuen eduki eta formagatik. Euskara batuaren funtzioa eta lekua zein den zalantzan.
Euskara batuaren makurrak (Noticias de Gipuzkoa)
Gure barneko horiek
Kondenatuak gaude. Halabeharrez eta ezinbestez. Gure barneko filologo, soziolinguista, euskara irakasle eta euskara teknikari horiekin bizitzen ikasi behar dugu, haiek gabe ezin baikara bizi.
Euskaldun guztiok filologoak garela aspaldian gaude entzunda, Allartean blogean horretaz hausnartu dute eta filologiak ez ezik, besteak beste euskara irakasleak ere izan beharra dugula ondorioztatu dute. "Herria irakasle" aspaldiko aldarriaz akordatu naiz.
"Gu geu" egitasmoa, mintzalagun hirueleduna
Txingudin, Irun, Hendaia, Hondarribi inguru horretan euskara, gaztelania eta frantesaren ikaskuntza eta ezagutza sustatzeko "Gu geu" egitasmoa jarri dute martxan hango elkarte batzuek. Mintzalagun edo mintza-praktika jarduera baten antza du, baina inguruko hiru hizkuntzei begirakoa.
Eleanizasuna, gaitasun interkulturala eta horrelakoak etorri zaizkit gogora.
Irribarrea vs. imintzio iluna
Izan ere, nago euskarari askoz gehiago lagunduko diola irribarre alaiak, asmo oneko imintzio ilunak baino. ARGI-itzalen tirabira horretan, ARGIak gehiago lagunduko digu aurrerapausoak ematen, itzalen iluntasunak baino.
Agian gaurkoa ez da egunik aproposena izango halakoak ekartzeko (noiz da bestela?), baina bego hor Iñakik baikortasunaz egin duen gogoeta.
Gaitasuna ala emozioak?
Batzuetan esaten da gaitasun kontuak arrazoitzen duela aldaketak, alegia, hainbat gauza esateko mugak ditugula euskaraz eta, ondorioz, erdarara jotzen dugula. Ez nau horrek askorik konbentzitzen. Uste dut indar handiagoa dutela faktore psikologiko-emozionalek, ohiturazkoek…, azken batean eredu faltarekin lotura dutenek. Hemen batek baino gehiagok esan duen bezala, gazteei ezin baitzaie eskatu helduek erakusten ez dugun jarrera bat.
"Euskaraz Bizi" manifestazioa Donostian artikuluaren harira eztabaida bizia sortu da Sustatun. Manifestazio hartan zenbat erdara entzuten zen kezkatuta abiatu zen eztabaida, eta badirudi berba egitean euskara eta erdara nahasteko ohitura izan dela inpresio horren iturrietako bat.
Horretaz egin du gogoeta iruzkinetan Martin izenekoak hain zuzen ere. Halakoetan euskaraz egiten dugula pentsaten dugun, norainokoa den eta zergatik gertatzen den.
Araban erakutsi behar den euskara
Araban ezin da edozein euskara erakutsi eta erabili; ahal dela behintzat, bertan izan zena hartu behar da gogoan. Jakina, gauza batzuk zaharkituta daude eta ezingo dira atzera berriro berpiztu, baina beste gauza asko naturaltasun osoz erabili daitezke. Esate baterako, nik ez nuke Araban “igorri” hitza erabiliko; “bidaldu” erabili zutelako hango lekukoek eta “bidaldu” delako Araba inguruetan gaur egun esaten dena.
Arabako euskara liburuaren harira Koldo Zuazorekin egin dute berba POSTdatan, Elkarren blogean:
- Koldo Zuazo: “Mendebaleko euskalkiaren ardatza Araba da” (POSTdata - Elkar)
Komunikabideak komunikazioan integratzeko
Beraz, ezagutzaren arloan egin diren aurrerapen handiei segida emateko eta eskolak euskalduntzen dituen horiek euskararen komunitatean integratzeko, estrategikoak dira komunikabideak. Euskaldun sakabanatuak euskarazko komunikazio espazioan sartzeko bide eraginkorrak eta, horren ondorioz, erabilera areagotzeko tresna paregabeak; baldin eta erabilera kontzeptua orain baino modu zabalagoan ulertzen badugu. Komunikabideek Txillardegik zorrotz aztertutako oztopoa —elebakar erdaldunen presentzia— gainditzen dutelako.
Komunikabideak estrategikoak dira (berria.info)
Hurbildu naturaltasunez
Yo te diría que intentes practicar en cuanto tengas ocasión, no solo en el aula que también, que trates de acercarte al mundo del euskera, del modo más natural posible y con mente abierta, con la literatura por ejemplo.
Profesor de ELE en apuros blogean Guillermo Gómez blogaren egileak elkarrizketa egin dio Iñaki Murua HABEko teknikari eta blogariari. Euskara ikasteaz eta praktikatzeaz ere jardun dute bertan.
Zergatik ikasi euskara AEBetan?
Zergatik ikasten dute euskara Boisen? Ikasleek eurek erantzun dute Izaskun Kortazarrek grabatu duen bideo honetan, Beranduegiren 48. saioan ikusi duguna.
Ahaleginak eta ahaleginak
Ni ere ahalegin handia egiten ari naiz. Iaz egunero goizean euskaltegira joaten nintzen. Aurten, ordea, astean zehar bi egun bakarrik euskara ikasten dut. Lanagatik kurtsoa murriztu behar izan dut. Gainera, krisiagatik gastuak ere murriztu behar izan dut. Horregatik, Hizkuntza Eskolan ikasten ari naiz, astero bost ordu. Gainera, zorte handia izan dut jende asko han ikasteko zerrenda dago eta kanpoan geratzen da.
Patxi Lopezen "matrikula-gastuak" direla eta saltsa zabaldu da asteotan. Ikasle batek berak egin beharrek ahalegina azaldu digu.
Azken iruzkinak