Verbling: hizkuntzak praktikatzeko "chatroulette" bat
2011, Iraila 18 - 18:04 — benitoDuela hilabete batzuk ezaguna egin zen Chatroulette, ausazko bideo-txataren ideia original, barregarri eta eskandalagarri ere suertatu izan da. Ausazko harreman horren ideiak beste aplikazio batzuk eduki litzake, eta hala ikusi dute Verbling honen sortzaileak. Hizkuntzak praktikatu behar dutenentzat aukera izan daiteke.
Gaztelania eta ingeles hiztunekin soilik funtzionatzen du nagusiki oraingoz. Sistema erraza da, zeure ama-hizkuntza eta bigarren hizkuntzako maila zehaztu eta konektatu. Bosna minutu hizkuntza bakoitzean jardun (gaztelania eta ingelesa adibidez) eta beste "bikote" bat topatu.
Via @beatxo
Euskal aditza lantzeko webgunea berrituta
2011, Iraila 5 - 12:39 — benitoMaite Goñik iragarri digu orain dela urte batzuk euskal aditza lantzeko prestatu zuen gunea lekuz aldatu eta berriztu egin duela.
Google Sites-en atondu duen gune berri horretan aditz-taulak, azalpenak eta hainbat ariketa ditugu.
100.000: Euskararen debekua
2011, Maiatza 22 - 01:32 — benito100.000 artikulu idatzi dira Wikipedian euskaraz dagoeneko. Euskararen debekua azaltzen duen hau izan da 6 digitoen muga gainditu duen lehenengoa.
Zorionak, eta aurrera!
Elkarrekintza eta Internet
2011, Maiatza 13 - 15:17 — benitoEuskarazko elkarrekintzek Interneten oihartzuna izatea lortu behar dugu
Informatikari Euskaldunen VIII. Bilkuraren harira elkarrizketa egin diote Josiri Berrian. Hori da titularra.
Gramatika "osoa" Interneten
2011, Martxoa 31 - 16:58 — benitoEHUk sarean jarri du aspaldian iragarritako proiektua, Euskararen Gramatika Osoa. Wiki moduko egitura moduan euskararen gramatikaren gaineko informazio ugari dugu.
Egon, asko dago, baina ez dakit "osoa" izena ez ote den lartxo izango.
Moodle erabiltzeko arrazoiak
2011, Martxoa 22 - 23:36 — benito...dos de las barreras fundamentales que hacen que muchos profesores usen Moodle como plataforma central para el desarrollo de su trabajo en la red, a saber, el miedo a perder el control (de la actividad de los alumnos, de los contenidos que publican,…) y el problema de la privacidad (adultos que piensan que poner tu nombre en internet es como poner el número de tu tarjeta de crédito a disposición de cualquiera, o familias que piensan que hay un corruptor de menores detrás de cada clic).
Moodle 2.0ren harira artikulu gogorra Nodos Elen: Cinco consejos para trabajar con Moodle 2.0.
Moodle-en inguruko filiak eta fobiak iratzartzeko aproposa.
Euskaltegietako ikasleentzako ikastaroak Jakintza Librearen jardunaldietan
2011, Martxoa 21 - 18:36 — benitoAzkue Fundazioak Jakintza Librearen II. jardunaleiaren barruan euskara ikasleek Interneten zer dagoen jakin dezaten ikastaroak antolatu ditu gaur, bihar eta etzi. Sareko baliabideak ezagutu eta erabiltzea da asmoa. Ikastaroak Bilboko Euskararen Etxean egingo dira.
Bizkaieraren ataria
2011, Martxoa 11 - 14:16 — benitoBizkaiera erabiltzen laguntzeko sortu da Bizkaiko Foru Aldundiaren eta Labayruren logoak erakusten dituen atari hau. Hiztegi eta hizkuntza-tresna batzuk eskaintzen ditu, eta horrez gain bizkaierari buruzko informazio geografikoa eta linguistikoa, bideo-grabazioak eta kulturaren inguruko artikuluak.
Audiria: entzumena lantzeko ataria
2011, Martxoa 9 - 18:52 — benitoVia EcLecTIC ezagutu dugu Audiria atari hau. Gaztelania ikasten ari denarentzat entzutezkoaren ulermena lantzeko entzungaiak eta bideoak eskaintzen dituzte, eta haiekin batera transkripzioak eta ariketak.
Practica español
2011, Martxoa 7 - 14:04 — benitoInstituto Cervantesek, EFE informazio-agentziak eta Fundación del al Lengua Españolak aurkeztu zuten duela aste batzuk Practica español ataria. Hizkuntza ikasleei bideratutako zerbitzua da, albisteak euskarri desberdinetan eta euren gaineko ariketak eta azalpenak, gramatika gaiak eta abar.
Via Nodos Ele
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »