Euskara ikasteko aitzaki desberdinak
2010, Urria 24 - 17:56 — benitoHiru ikasleren ibilbideak eta arduradunek egindako irakurketak ipuin batean sartu ditu AEK-ko Oskar Elizburuk Info7n.
Konpetentzia digitala hizkuntza ikasteko: ikasleen profila
2010, Urria 19 - 11:05 — benitoLola Torres sarearen bidez hizkuntza ikasten ikasteko ikastaroa egiten ari da, Curso Aprender a aprender. Competencia Digital para estudiantes de Español.
Ikastaro horren markoan inkesta egin du jakiteko ikasleek sarearekin zer harreman duten ezagutu eta ondorioak ateratzeko. Hor daude inkestaren emaitzak, akaso inkesta bera norbaitentzat baliagarria izan daiteke, eta ikastaroa bera ere bai.
Kerman: euskara dosia
2010, Urria 17 - 15:36 — benitoEs un espacio que dura unos 5 minutos y por lo tanto es fácil de ver. Normalmente la gente lo ve de casualidad, y por lo tanto funciona como si fuera una dosis de euskera. Como ya he dicho, para las personas que están aprendiendo el idioma me parece muy útil.
Kerman saioaz, besteak beste, hau esan du Fernando Ruiz aktoreak (Kerman berria) Deian elkarrizketa honetan:
Fatalismoa
2010, Urria 13 - 16:08 — benitoHay que tener en cuenta que, como todos los años, algunos alumnos se irán dando de baja al no poder compaginar los estudios con su vida laboral o personal
EUDEL eta Jaurlaritza tira-biran ari dira udalen finatziazioa medio, tartean udal euskaltegiak. Testuinguru horretan jarri beharko da Barakaldoko sozialisten mezu hau, bertako alkatetza duen alderdia.
Deigarria hala ere fatalismo ikutu hori: "badakigu denek ez dutela amaituko..."
Kerman berria
2010, Urria 12 - 01:31 — benitoKerman euskara ikasle-praktikari ezaguna egin da Oihan Vega aktorearen aurpegian betaurrekoak jantzita, lehenengo denboraldia amaituta berriari ekin diote, eta aurpegi berriak hartuko ditu betaurrekoak eta zaplastekoak: Fernando Ruiz aktore donostiarrarenak hain zuzen ere. Aurpegi berria ikusi bideoetan eta eitb.com-en aurkitu dugu albistea, baita denboraldi berriaren promozio-bideoa ere.
Vloga: lehenengo sarrera euskaraz
2010, Urria 4 - 22:23 — benitoAsierrek hitz eman zigun euskaltegian apuntatu eta Vbloga elikatzen hasiko zela. Esan eta egin, hemen dago lehenengoa, euskarazako lehenengoa. Interneten eta gailuekin ikasteko zer dugun kontatzen hasi zaigu. Abila mutila bideoarekin. Aupa tu!
Dirurik ez daukatenentzat diru-laguntzarik ez
2010, Urria 4 - 17:12 — benitoBilboko Udalak orain arte euskara ikasteko matrikula ordaintzeko diru-laguntza ematen zien oinarrizko errenta jasotzen zutenei, dirurik ez daukatenei alegia. Krisiaren aitzakian bertan behera geratu dira diru-laguntza horiek dirudienez, eta euskara ikastea, Bilbon behintzat, ez da merkea izaten guztientzat.
Via Zabaldu.
Voxy: ingelesa ikasi albisteen bidez
2010, Urria 3 - 17:46 — benitoInterneten badira hizkuntzak ikasteko zerbitzuak eta guneak, eta ekimen berririk ez da falta izaten. Voxy dugu azkenetariko bat. Egunero 3 minutu emanda ikasteko aukera saltzen digu.
Nola? Albiste batzuk hartu, laburrak, testuak irakurri eta haien gaeinean ariketa batzuk proposatzen dituzte, horrez gain, testuetako hitz batzuk nabarmendu eta esanahia ematen dute. Momentuz ingelesa-gaztelania norabidean.
Azpimarratutako hitzak norberaren kaxan gordetzeko aukera ematen dute, eta egindako ariketak ere bai. Ariketak funtsean testuaren esanahiari buruzkoak dira, sinpleak baina ondo planteatuta nire ustez.
Hizkuntza ikasleentzako aldizkarietan (Aizu!, Habe...) egiten dena Internetera ekartzeko modu bat izan daiteke beharbada, hain zuzen paperaren muga batzuk gainditu eta teknologiak ematen dituen aukerez ondo baliatu dira (interaktibitatea, pertsonalizazioa, formatua...).
Ideia interesgarria, akaso askori pobrea edo sinplea irudituko zaie, baina nire ustez, sinpletasun horrek ematen dio erakargarritasuna.
Hasten naiz?
2010, Urria 1 - 15:48 — benito"Hasten naiz?" Horrela galdetu omen zien EGA azterketari batek aztertzaileei eta haietariko batek “AMAITU EGIN DUZU” erantzun zion.
Pasadizo horrekin ekin diote Euskerabilikoek ikasturte berriari. Eta galdera bat ondoren: "Zerk animatzen zaitu ikasten jarraitzera?"
Klaseko hizkuntza
2010, Iraila 30 - 17:21 — benitoEta klaseko gauzak egiteko zer esan behar du ikasleak? Hasiera-hasieran dagoen ikasleak klasean jarduteko hainbat gauza esan behar izaten ditu, eta horiek ez ditugu beti aurretiaz "landu". Gogoeta egin du horretaz J.Ramónek (blog hau gomendagarria da benetan), eta gaztelania klaserako proposamen xumetxo bat ere bai (euskarara itzultzeko arazo handirik emango ez lukeena).
- « lehenengoa
- ‹ aurrekoa
- …
- 5
- 6
- 7
- 8
- 9
- 10
- 11
- 12
- 13
- …
- hurrengoa ›
- azkena »