Eskaera
2009, Apirila 1 - 17:41 — benitoPosible al da kostipatuta gaudenok gela berezi batean azterketa egitea ?
Ikasleak mintzo
2009, Martxoa 20 - 17:23 — benitoBidaia intimoak dokumentalak genero bati ateak zabaldu dizkiola dirudi, euskara ikasleen testigantzak. Eredua Iruñerriko euskara-ikasle batzuek euren esperientzia, motiboak, sentipenak eta ondorioak kontatzen dizkigute pasarte honetan.
Goiko pasarte hori Korrika 16 sustatzeko Nafarroan egin den beheko bideo honetatik atera dugu. Gaztelaniaz eginda dago, eta ikasle gehienak ere gaztelaniaz mintzo dira bideoan.
Ariketa, irteerak eta denbora galtzea
2009, Martxoa 16 - 13:47 — benitoEta betiko moduan, XXI. mendean gaudenez, ia gehienek nahiago zuten baldintza lantzeko ariketa analitikoak egin, Platerenuenera joan baino; oraindik ere, hainbat ikasleren buruan sartuta dagoelako horrelako emanaldiak denbora galtzea direla.
Bidaia intimoak mezuan dokumentalaren iruzkinarekin batera ikasleak klasetik ateratzeko komeriak kontatu dizkigu.
Euskara elkartrukean
2009, Martxoa 4 - 19:14 — benitoKroonos elkartruketarko sare sozialean (denbora bankua dute autodefinizioa) erabiltzaile batzuek euskararen inguruan dituzten behar eta eskaintza batzuk plazaratu dituzte. Klaseak, mintzalagunak, olerkiak. Baten batek arrakasta eduki duela dirudi.
2008/09 euskara ikasleentzako diru-laguntzen deialdia
2009, Martxoa 3 - 18:23 — benitoEAEn euskara ikasten dutenek HABEtik izango dituzten diru-laguntzak, haiek jasotzeko baldintzak eta epeak zehaztu dituzte. Eskaerak irailaren 8tik urriaren 7ra egin behar dira, ez dago presarik beraz, baina agendan apuntatu badaezpada.
Suomiera-euskara hiztegia
2009, Otsaila 23 - 12:44 — benitoTytti Thusberg finlandiarra Suomi-Euskal Herria Kultur Elkarteko lehendakaria da eta euskara ikaslea ere bai. Hemengo bizimoduaz, euskara ikasteaz eta elkartean prestatzen ari diren hiztegiaz jardun du elkarrizketa honetan.
Politikari arinaiztarra
2009, Otsaila 21 - 18:53 — benitoMezuak ulertzeko lan gehiegi eskatzen zaio boto-emaile euskaldunari. Batzuetan oraindik okerrago da: hautagaia menpeko esaldi batekin ausartzen da, eta ez boto-emaileak, ez hautagaiak berak ez daki abentura hori non bukatuko den. Boto-emaileak, izerdi hotzetan, esaldia ondo bukatu dezala, dagokion aditzarekin asma dezala erregutuko du. Ze, nola diren gauzak, boto-emaile euskaldunak sentitzen du ez duela eskubiderik hautagaiari euskaraz txukun eta egoki hitz egin dezan eskatzeko; eta are, hautagaiak euskaraz hankasartzea egiten badu, akatsa berak egin balu bezala bizitzen du, min hartzen du, euskarak hizkuntzen ligan milagarren partida galdu balu bezala.
Boto-emaile euskaldunarenak (Berria)
Zuek ez duzue inoiz sentsazio hori izan?
Anjel Lertxundiren bidez.
Heltzen zenean ala helduko zenean?
2009, Otsaila 19 - 18:51 — benitoEuskara ikasle batek plazaratu du zalantza Itzul foroan, eta hango partaideek erantzun. Ikasleak gu baino biziago dabiltzala esaten dudanean (ala esango dudanean?)... Eta itzultzaileak zer esanik ez.
Katixa Agirreren Habitat berria
2009, Otsaila 17 - 20:45 — benitoBai, liburu beriraren izena da, baina baita Katixaren blog-webgune berriaren izena... eta izana. Aurreko Gauez eta Azpikeriaz utzi eta hona egin digu mudantza.
Euskara ikasleen artean ondo legoke idazle maitatuenen ranking-a egitea (eta gorrotatuena ere bai igual...
). Katixa podium-ean egongo litzatekeela egingo nuke apustu. Ez, ala?
- « lehenengoa
- ‹ aurrekoa
- …
- 17
- 18
- 19
- 20
- 21
- 22
- 23
- 24
- 25
- …
- hurrengoa ›
- azkena »
RSS - ikasleak