Nabarmen geratzea zer den
2010, Abuztua 18 - 10:08 — benitoIII. Zakurrei eta 8 urtez beherako haurrei euskaraz zuzentzea zilegi liteke. Alabaina adin horretatik gorako gaztetxoei euskaraz zuzentzea nabarmen geratzea da. Ikastolako / euskaltegiko irakasleek baino ez dute egiten hori, eta ez guztiek ere.
Ametsetik ametsaren dimisiora
2010, Uztaila 26 - 13:32 — benitoAmetsak beharrezkoak dira, baina errealitetik hara egin daitekeen zubiak egingarria izan behar du. Euskaldunok hizkuntza komunitate minorizatu bat gara, gure lurraldean bertan minoritarioa, irekia eta komunitate moduan ahalmen-guneak eraikitzen asmatu behar dugu. Askotan gertatu da amets potoloetatik pasatzea amets ororen dimisiora, penduluan bezala. Amets bizigarriak behar ditugu.
«Deserosoa da, adibidez, progresismotik desinstalatzea» (Elkarrizketa Diario Vascon)
Euskal Herri ohia
2010, Uztaila 26 - 13:29 — benitoEuskara desagertuko balitz, “Euskal Herri ohia” izango genuke. Pentsatzen dudana esaten ari naiz. Ez gara gehiago, ez gutxiago. Gure tasun funtsezkoena euskara da. Ondoren datoz maitasuna eta gainerako tasun guztiak.
Arrari diru-laguntza kendu
2010, Uztaila 6 - 20:23 — benitoHori bai, gu mutilok ez dugu ezer egin behar. Euskaldunak bagara ere, guk ez dugu ezer aktibatzen, guk ez dugu ezertarako ere balio. Joder, nik diru-laguntzak kenduko nizkieke atoan euskara ikasten ari diren ar guztiei. Eta denak bideratu euskara ikasten ari diren emeei, horiek dira eta garrantzitsuenak.
Txerrak iruzkina egin du Lurdes Auzmendiren hitz hauen harira, Tirakako beste mezu honi segida emanez.
Magia ala maitasuna? (Garaigoikoa)
Eman ideiak
2010, Uztaila 5 - 23:12 — benitoIdeia originala Galiziatik berriro. Galizieraren alde ideiak proposatu, plazaratzeko eta aurrera ateratzeko Galego Lab gunea.
Galiziarako ez ezik, gurerako ere balioko duten bat baino gehiago topatuko ditugu seguruenik.
Gazteriaren esku
2010, Uztaila 3 - 13:03 — benitoEz dute gazteek lan makala gure frustrazio guztiei buelta ematen. Ez dugu droga daitezen nahi (hori esaten diegu jintonika eskuan), irakur dezaten nahi dugu (telebistako teletextoa irakurtzen dugularik gehienez ere), bakezale nahi ditugu (kar, kar, eta kar)... eta gurean euskaraz egin dezaten (eurek, horiek, haiek...) nahi dugu ere bai, geuk zirkinik ere egin gabe...
Hiznet: 10 urte eta irakurgaiak
2010, Ekaina 14 - 23:05 — benitoGaragoikoaren bidez jakin dugu Hiznet ikastaroak 10 urte bete duela eta webgunean irakurgai gomendatuen bilduman eskaini duela.
Zorionak bada.
Arrotz sentitzea zer den
2010, Maiatza 6 - 16:55 — benitoImajinatu zu Txinan zaudela. Txinako barnekaldeko lautada zabal eta huts bat zeharkatzen ari zara autobus zahar batean. 18 orduko bidaia da, eta bi egun daramatzazu inorekin hitz egin gabe. Zure inguruan txinatarrak besterik ez, ingelesez ere ez dakiten baserritarrak. Ba al zenekien txinatarrek zeinu desberdinak dituztela? Bada, ez zarete gai “hiru” zenbakia elkarri komunikatzeko ere. Ez zaituzte ulertzen, eta zuk ez dituzu haiek ulertzen. Halako batean beste aleman bat agertzen da. Nola sentituko zinateke?
Ba ni horrelaxe sentitzen naiz neure herrian: arrotz, euskaldun bat topatzen dudan arte.
Konplizitatea (Samstag Express)
Ehureka: euskara lanean egoki erabiltzeko aholkuak
2010, Maiatza 3 - 12:41 — benitoAzpidazki webgunean hilean behin testuinguru desberdinetan euskara ahoz zein idatziz erabiltzeko aholkuen zerrenda eskainiko digute Ehureka buletinean. Lan mundura bideratutako ekimena da, baina material interesgarri eta lagungarria izan daiteke ikasten dabilenarentzat ere.
Sareak
2010, Maiatza 3 - 12:02 — benitoEuskarari ahalmen guneak sortzeak dagozkio, hizkuntzaren lurralde metaforikoak izango direnak. Azkenean sare izatea dagokigu, hau da, euskarak sarea izaten jakin beharko du XXI. mendean.
"Gure hizkuntza komunitatean aurrerapausoak eman dira, baina egoerak kezkatzeko moduan jarraitzen du" (Noticias de Navarra)
Via Argia
- « lehenengoa
- ‹ aurrekoa
- …
- 3
- 4
- 5
- 6
- 7
- 8
- 9
- 10
- 11
- …
- hurrengoa ›
- azkena »